15.07.10 – 28.07.10 Bókabúðin – verkefnarými Í bókabúðinni – verkefnarými Skaftfells sýna Baldur Geir Bragason og Þórunn Eva Hallsdóttir innsettningu unna sérstaklega fyrir rýmið. Þau eru bæði með BA gráðu í myndlist frá Listaháskóla Íslands og stunduðu einnig bæði framhaldsnám í Berlín. Þau búa og starfa á Norðfirði.
15.07.10 – 10.08.10 Vesturveggurinn Á Vesturveggnum í Bistrói Skaftfells sýna Kristín Rúnarsdóttir og Þorgerður Ólafsdóttir. Kristín og Þorgerður eru gestalistamenn í Skaftfelli í júlí mánuði. Þær hafa báðar unnið að margvíslegum verkefnum hér heima og á Norðurlöndunum undanfarið ár, m.a. í tengslum við gallerí Crymo í Reykjavík. Vikurnar á undan dvöldu þær á Stöðvarfirði þar sem þær settu upp listahátíðina ÆRING ásamt öðrum ungum myndlistarmönnum frá Reykjavík, Brussel og Malmö. Þær stöllur útskrifuðust báðar úr myndlistardeild Listaháskóla Íslands vorið 2009.